Елеуов Даулен Халидуллиевич 1975 жылы 07 қыркүйек күні дүниеге келген. Ұлты – қазақ. Білімі – жоғары. Қазақстан Республикасының азаматы.
1993 жылы орта мектепті аяқтағаннан кейін Ақтөбе медицина институтына «Педиатрия» мамандығы бойынша оқуға түсіп, 1999 жылы дәрігер – педиатр біліктілігін алып шыққан. 1999 – 2000 жылдары Гурьев балалар ауруханасы базасында «Анестезиология-реаниматология» мамандығы бойынша интернатурадан өтті.
Еңбек жолын 2000 жылы №2 қалалық балалар ауруханасында дәрігер анестезиолог-реаниматолог қызметінен бастаған. 2010 – 2011 жылы «Қалалық перзентханада» жансақтау бөлімінің меңгерушісі, 2011 – 2015 жылдары Атырау облыстық ауруханасында дәрігер анестезиолог-реаниматолог, кейін директордың емдеу ісі жөніндегі орынбасары қызметтерін атқарған. 2015 – 2017 жылдары «Медикер-Жайық» ЖШС емхана меңгерушісі қызметімен қоса дәрігер анестезиолог-реаниматолог қызметін атқарған.
2017 жылдан қазіргі уақытқа дейін №2 Атырау облыстық ауруханасында дәрігер анестезиолог-реаниматолог қызметімен қатар жансақтау бөлім меңгерушісі қызметін қоса атқарып келеді.
Даулен Халидуллиевич – өз ісін жетік білетін, тәжірибелі маман. Мінезі ашық, адамдармен тез тіл табысады. Ұйымдастырушылық қабілеті ерекше. Қиын жағдайда өз бетінше, дұрыс шешім қабылдай біледі. Өндірістік мәселелерді талқылағанда тік мінезділік көрсетеді. Сынды дұрыс түсінеді, кемшіліктерін тез түзеуге тырысады. Әріптестерінің арасында беделді. Үйленген. Үлгілі отбасы иесі.
